ŞIRNEX - Polîsan qezaya Elkê ya Şirnexî de eştî keyayan ser î Hemserekê HDPyî yê Elkê Şaban Cinî zî mîyan de tewr tay 12 kesan tepiştî.

 

Polîs û leşkerî qezaya Elkê ya Şirnexî û dewanê Elkê de eştî serê keyayan. Polîs û leşkerî sereştişê keyeyan de Hemserekê Rêxistina Partîya Demokratîke ya Şaran (HDP) yê Elkê Şaban Cinî zî mîyan de hemwelatijê bi nameyê Mahmut Kiliç, Zerrin Borak, Sekvan Cîn, Emîn Borak, Seyran Yîgît, Selman Ataman, Recep Ataman, Baver Abî, Cihan Ataman, Cemal Şeker û Naze Durmuş tepiştî.

 

Sebebê tepiştişê 12 kesan nêame zanayene û înan berdî Mudirîya Polîsan ya Elkê û qereqolanê dewan.