MERKEZÊ XEBERAN - Bajarê Bîlbao yê Baskî de 5in konferansê tevgerê femînîstan ame viraştene.

 

Bajarê Bîlbao yê Bask 5. konferansê tevgerê femînîst ame viraştene. Konferans hîrê rojî dewam kerd û 3 hezar cinî pêro herêmê Baskî beşdar bî. Bi hezaran cinîyê femînîst yê Baskî serê lingan selam dayî xoverdayîşê YPJ. Hûmarêka cinîyê katalaonya û welatê latîn Emerîka zî beşdar bî. 

 

Roja hîrêyîne ya konferansî de mesajê verfeka YPJyî Nesrîn Ebdullahe bi rayîrê vîdeokonferansî ame pêşkêşkerdene. Nesrîn Ebdullahe selam da pêro beşdaranê konferansî û înan rê sipas kerd ke paşt danê destpêkê şorişê înan. Nesrîne hêvîya xo arde ziwan û va ke seba Rojawanî vengê xo berz bikê û paştdayîşê xo dewam bikê.

 

Beşêkê bîn ê konferansî de bi wesîleyê Roja Rojawanî ya Dinya cinîyan pankartêko pîl amade kerd ke ser o nuştêne “ê heman çeperê xoverdayîşî de yê.”

 

Beşdarê konferansî sloganê "Cinîye, cuye, azadîye", "Biciwîyo tevgêrayîşê Kurdistanî" û "Biciwîyo tevgêrayîşê femînîstan" vatî.

 

Eynî wext de alayê YPJ-YPGyî û Kongreya Starî ameyî berzkerdene.