Ronîda Hacî 

 

HESEKÊ - Domana binameyê Hêvî Xabûr veng da rêxistinê mîyanneteweyî ke verba qetilkerdene domanan bigîrê û va: "Erdogaî wendegehê ma topevaran kerd. Ma zî wazenê biwanê. Ma zî wazenê welatê xo de bikêfweşî biciwîyê."

 

Artêşa tirkî û hemkarê aye 9ê teşrîna verêne de hêrîşê seranserê sînorê Vakur û Rojhelatê Sûrîye kerd. Netîce de Di encamê bihezaran domanî koçber, birîndar û şehîd bî. Domana bi nameyê Hêvî Xabûr (12) ke bieslê xo Êzidî ya, Serêkanîye de ciwîyena, seba topvaranê dewleta tirkî keyeyê Hêvî mecbur mend û koçberê dewa Berzan ê girêdayê Bajarê Hesekî bî. Hêvî derheqê şerê ke qewimyeno de hîsê xo wina va: "Ma zî wazenê bikêfweşî welatê xo de biciwîyê. Ma nêwazenê kuçeyan de rakoyê, ma wazenê ageyrê keyeyê xo."

 

'Guneyê ma çi yo?'

 

Hêvî hîsê xo ardî ziwan û wina va: "Dewleta tirkî domanan qetil kerd. Wendegehê ma topvaran kerd. Çi guneyê ma esto? Çira domanan qetil kerd la guneyê ma çi yo? Ma wazenê ageyrê bajarê xo. Erdogan ma ra çi wazeno, cuya ma embazanê ma dir zaf weş bo, ma şîne wendegehê xo. Kuçeyê Serêkaniyê de ma pîya kay kerdêne. Ma mîyanê asayîşêke de bî, nika bitank, top û teyareyê hêrişê ma kenê û ameyoxê ma vindî kenê." 

 

'Ma nêwazenê kuçeyan rakewê ma wazenê ageyrê keyeyê xo'

 

Hêvî wina vatişê xo qedêna: "Domanê Ewropayî bikêfweşî cuya xo derbaz kenê, la ma domanê Rojawanî yenê qetilkerdene. Domanî seba teyareyê dewleta tirkî cuya xo vindî kenê. Eke domanêke Ewropayî cuya xo dest bidê do dinya wirzo serê lingan, ma yenê kiştene kes vengê xo nêkeno. Ma zî wazenê bikêfweşî welatê xo de biciwîyê dûrî xo, kiştiş û qetilkerdene. Ma nêwazenê kuçeyan de rakewê." 

 

Hêvî deyîrêke serê Rojawan pêşkêşê heme domanê Rojawan kerd.