AMED - Kesa bi nameyê Hîcran Berna Ayverdîya ke Nisêbînî de ameybî tepiştene û cezaya muebeto giran aye rê ameyêne waştene, 11 rojî verê weçînayîşî serê hemşaredar Selçuk Mizrakli û 4 rojî verê weçînayîşî zî serê hemşaredare Kezîban Yilmaze de îfade dabî. Vejîya raşte ke dewleta ke Hîcrane rê cezaya muebetî waştêne 5ê êlule de ‘Tu sucêk nêame vînayen’ Hîcrane serbest vera daye.

 

Kesa bi nameyê Hîcran Berna Ayverdîya (46) ke Nisêbînî de bi sucdarîya ‘Yewî û yewbîyayîşê welat xera kena’ ameyêne muhakemekerdene û cezaya muebeto giran aye rê ameyêne waştene. Hîcrane Zîndanê Cinîyan yê Kayserî de ameyêne tepiştene. Hîcrane 11 rojî verê weçînayîşî serê Hemşaredar Şaredarîya Bajarê Girdî yê Amedî Selçuk Mizrakliyî û 4 rojî verê weçînayîşî zî serê hemşaredare Kezîban Yilmaze de îfade dabî. 

 

Hîcrane îfadeyo ke daye dozgerîye de îdîa kerde ke Selçûk ‘endamêk rêxistine derman kerdo’ û Kezbane zî ‘Komîsyonê rêxistine yê rêxistine de ca gêna.’ Vejîya raşte ke dewleta ke Hîcrane rê cezaya muebetî waştêne 5ê êlula 2019î de roniştişê doze yê 4. Mehkemaya Cezaya Giran ya Mêrdînî de ‘Tu sucêk nêame vînayen’ Hîcrane serbest vera daye.

 

Îdîanameyê doze de ame dîyarkerdene ke wextê qedexeyê tebervejîyayîşê kuçeyan yê Nisêbînî de 26ê Gulana 2016î de raşteyê Tunçî yê taxa Yenîşehîrî de tewrê 42 kesan ‘teslîm’ bîya. Ame dîyarkerdene ke Hîcrane 4 rojan binê çiman de menda û gama ke ‘teslîm’ bîya zî tu çîyêko biba delîlê sucî nêameyo vînayene. 

 

 

Mehkema îdîaname de vana ke Hîcrane anestezîst a û seba ke betal bîye, bi pêşnîyaza embaza xo şîya Nisêbîn û ewja de bi îdîayê ‘Endamanê rêxistine’ derman kerda, ameya tepiştene. Îdîaname de ame dîyarkerdene ke Hîcrane binê çiman de fotografê ke nîşanê aye ameyî nawitene teşhîs kerda û cok ra îfade daya.

 

Hîcrana ke ‘Qanûnê Poşmanîye’ ra feyde girewta, îfadeyê xo yê asayîşî, dozger û mehkema de tu hawayî serê Selçûkî û Kezîbane de îfade nêdaya. Labelê 3 serrî badê tepiştişê xo, 11 rojî verê weçînayîşî serê Selçûkî û 4 rojî verê wçînayîşî zî serê Kezîbane de îfade daya. Selçûk û Kezîbane îfadeyê Hîcarne dera 21ê teşrîna verêne de ameyî tepiştene û 22ê teşrîna verêne de zî bi îdîayê ‘Endamîya rêxistine’ ametî tewqîfkerdene.