MERKEZÊ XEBERAN - Goreyê Banê Çimdarîye yê Heqanê Merdiman yê Sûrîye, komê dewleta tirkî Girê Sipî de bajarekê Silûkî de 3 kedkarê weşîye remnayî û qetil kerdî

 

Banê Çimdarîye yê Heqanê Merdiman ê Sûrîye pare kerd ke 2 hemşîreyî û kedkarêkê weşîye hetê dagirkeran ra ameyî remnayene û qetilkerdene.

 

Kedkarê weşîye çend rojan verê cû ameyî remnayene, labelê derheqê aqîbetanê înan de xeberêke nêameye girewtene. Eşkera bîyo ke dewleta tirkî û komê înan dima ke kedkarê weşîye qetil kerdî, cenazeyê înan eştî kanalîzasyonêk.