MERKEZÊ XEBERAN - Rayberîya cînîyan de paytextê Kosova Prîştîne de hêrişê dewlata Tirkî ameye şermezarkerdene, seba Rojawanî mesajê paştdayîşî ameyî dayene.

 

Cinîyan paytextê Kosova Prîştîne de meydanê Skanderberî de bi şîara #RiseUp4Rojava hêrişê Tirkî ya sere Vakur û Rojawanê Sûrîye protesto kerde. Nawnayîş de ke  hetê Torra Cinîyan ê Kosova (Rjetî î grave te Kosoves) ra ame viraştene, hêrişê Tirkîya ameye şermezarkerdene.

 

Cinîyan nawnayîşan de bale ante serê hêrişanê dewleta Tirkî û vat, “Ma şarê Kurdan reyde yê, paşt dane înan.” Cinîyan vengdayîşo lezabez ê qedînayîşê herîşê Tirkîya kerd.