MERKEZÊ XEBERAN - Hêrişanê dewleta tirkî yê vera rojawanî dewam kenî. Ekîbê weşî ke tede personelê weşî yê ABDyî zî estî hewl danî ke seba mudaxelekerdişê birîndaran şêrî Serêkanîyê, labelê hêrişan vera nêeşkenî dekewî bajarê.

 

Vizêr mabenê DYA û Tirkîye de pêkerdişêk ameybî kerdene. Goreyê pêkerdişî do mabenê wirdî hetan de adirbirnayîşêk pê biameyêne. Labelê dewleta tirkî hema zî hêrişanê xo dewam kena û hêrişê şervananê HSDyî kena. Şervanê HSDyî heta nika cewabê hêrişan nêdayî û goreyê adirbirnayîşî têgêrenî. Ekîbê weşî ke tede personelê weşî yê ABDyî zî estî hewl danî ke seba mudaxelekerdişê birîndaran şêrî Serêkanîyê, labelê hêrişan vera nêeşkenî dekewî bajarê.

 

Doktvor David Eubanko ke seba mudaxelekerdişê birîndaran herême de yo Ajansê Xeberan yê Hawarî (ANHA) rê qisey kerd û da zanayen ke hêrişanê leşkerê dewleta tirkî vera ê nêeşkenî bikewî Serêkanîyê.