MERKEZÊ XEBERAN - Rêxistina Efûyî ya Mîyanneteweyî vat dewleta Tirkî Vakur û Rojhelatê Sûrîye de "qirkerdiş" û "hêrişê kiştoxî yê verba sivîlan"  zî tede zafê "sucê şerî" kerdî.

 

Rêxistina Efûyî ya Mîyanneteweyî eşkerayîye de vat, "Hêzanê leşkerî yê Tirkî û komanê çekdaranê ke Tirkîya paşt dana înan, verba sivîlan sey hednêzanîya ke merdim pê şerm bike, kerdî."

 

Eşkerayîye rexistine de wina ame vatene: "Derheqê sucanê şerî de delîlê giranî estê û raporê derheqê sucan de şahîdîya 17 kesan rê ca ame dayene ke nê kesî xebatkarê hetkarîya lezabezî, weşîye, muxabirî û xebatkarê merdimî yê. Raporan de hêrişanê verba cayê ciwîyayîşan rê zî ca ame dayene ke derheqê înan de zî delîlê giranî estî."

 

Raporî de bale ameye antene serê înfazê sîyasetmedara Kurde Hevrîn Xelefe û ame vatene, "Xelefe Hetê şervananê Ehra El Şarkîye ra  wesayîtî ra ameye vetene, pirodayene û bi bêrehmîye pê guleyan ameye kiştene. Sereyê ci de rêçê zafê guleyan estî, rî û çaq û qafê ci ameyî şiknayene. Heman roje û heman şervananê Ehrar El Şarkîye tewr tay 9 şervanê Kurdî esîr girewtî û kiştî. Na kome 2 sivîlê ke xebatkarê rêxistina weşîye yê, zî remnayî û hema zî înan ra xeberêke nêameye girewtene."