AMED - Polîsan qezayanê merkezî yê Amedî de eştî xeylê keyeyan ser û xeylê kesan tepiştî

 

Polîsan, no serê sibayî de qezayanê merkezê yê sey Peyas, Rezan, Yenîşehîr û Sûrî yê Amedî de eştî xeylê keyeyan ser û xeylê kesan tepiştî. Netîceyê sereştişê keyeyan de berê keyeyan ameyî şikitene û eşyayê keyeyî ameyî têmîyankerdene. Sereştişanê keyeyan de Mazlum Kardaş, Bêrîvan Abîş, Sergen Sucu, Cotkar Amara Yurekî zî tede xeylê kesî ameyî tepiştene.

 

Sebebê sereştişê keyeyan nêame zanayene û polîsan kesê ke tepiştî berdî Mudirîya Polîsan ya Amedî.

 

Cotkar Amara Yurek (17) 7 serrî yê xo ra nata reya 12ino ke yeno tepiştene. Amara tewr peynî 13ê nîsana 2019î de hetê polîsan ra ameybî derbkerdene û sereştişê keyeyî de ameybî tepiştene.