MERKEZÊ XEBERAN - Parlamentoyê Ewropa seba hêrişanê îşxalkarîye bi hewayêkê îstîsnayî kom bi. Hetkara Sereka Komîsyonê Yewîya Ewropa Federîca Mogherînî kombîyayîş de vat, hêriş DAÎŞ'î rê dano karkerdene.

 

Hetkara Sereka Komîsyonê Yewîya Ewropa û Temsîlkara Berz a Têkilîyanê Teberî û Asayîşî  ra Berpirsîyare Federîca Mogherînî Parlamentoyê Ewropa de kombîyayîşê îstîsnayî de derheqê hêrişê îşxalkarîye yê dewleta Tirkî de qisey kerd.

 

'Do tesîrêke negatîf bikero'

 

Federîca derheqê babete de va: '' Ma wazenê binê çimeyê Neteweyê Yewbîyayeyî de rewşêka demokratîke saz biba û seba naye zî hem 28 endamê Yewîya Ewropa hem zî Konseya Asayîşî ya Neteweyê Yewbîyayeyî seba ke fek rewşa newîye ra verade ê xîret kenê. Ê Tirkîya ra wazenê ke ca de çalakîya leşkerî ya yewhete vindarne û nê hêrişî seke tehdîtê serkewtişî yê verba DAÎŞ'î yê. Hêriş eşkeno têkilîyê Koalîsyonê Mîyanneteweyî yê bi hêzanê herême bitaybetî Kurdan bixeripno. Hêrişî do têna DAÎŞ'î rê bidê karkerdene. "DAÎŞ têna herême ney, Yewîya Ewropa û dinya tehdît keno. Hayîya ma esta ke Tirkîya wazena asta mîyanêne de se bika.''

 

'Tirkîya sewîyeya mîyanên de wazena se bikera'

 

Federîca vist vîrî le Yewîya Ewropa seba multecîyanê Sûrîye yê Tirkîya de 3 mîlyar hetkarîye bi Tirkîya kerdî û va: "Binpaykerdişê heqanê komelî yê herêma Vakur û Rojakewtena Sûrîye nênê qebulkerdene." 

 

'Ma vurnayîşê demografîk qebul nêkenê'

 

Federîca bale ante ke seba qedînayîşê çalakîyanê leşkerî yê Vakur û Rojakewtena Sûrîye armancê înan ê destpêkî yo û ganî ê giranîye bidê serê peydakerdişê rayîrê çareserîye yê binê kontrolê Yewîya Ewropa de. Federîca da zanayene ke seba kombîyayîşê Wezîrê Karan ê Teberî yê Yewîya Ewropa ke dişeme do Luksembûrg de do bêro kerdene Temsîlkaro Taybet ê Neteweyê Yewbîyayeyî yê Sûrîye ame vengdayene. Federîca vist vîrî ke Yewîya Ewropa û Konseya Asayîşî ya Newteweyê Yewbîyayeyî kom bîyî û vat, ê do vurnayîşê demografîyê herême qebul nêkerê.