MÊRDÎN - Nisêbîn de camêrdo binameyê Î.T cinîya ke sera 58 nêeşnawena û astengdarê zîhnîya îstîsmar kerd û dima ra hedîse vejîya meydan û tehqîqat ame destpêkerdiş. La pêwa raporê doktor û îfadeyê ke ameyî dayene, gumanbar serbest ame veradayene.

 

Nisêbînê Mêrdînî de camêrdo bi nameyê Î.T (63) vejîya meydan ke cinîya sera 58 nêeşnawena û astengdarê zîhnîya îstîsmar kerd. Hedîse aşma adare de dewa Heybelî ya girêdayê qeza ame cuyene. Waya cinîya ke rastê şîdet û îstîsmarê Î.T amebî, bî şahidê hedîse û dimayê waye aye hedîse keye ra va pêro çî vejîyayî meydan. Keyeyî muracatê sûcî kerd û serê nê de tehqîqat ame destpêkerdene. Îdianame de, raporê doktoran û dîmenê wextê hedîse ameyî antiş îstîsmarê zayendî vet meydan la pêwa nê Î.T serbest ame veradayîş.

 

Gumanbar pêwa delîlan sûc red kerd

 

Îdianame hetê Yewin Dadgeha Cezaya Giran ya Mêrdînî ra ame qebulkerdene û îdianame de îfadeyê cinîya astengdar û delîlan ca girewt. La gumanbar Î.T sûcdarî red kerd. Yewin roniştişê gumanbarî 26ê êlule de ame vînayene. Vernê de waya cinîya astengdar ameye goşdarîkerdene û qalê hedîseya îstîsmarê zayendî kerd û waşt ke gumanbar bêro cezakerdene.

 

Gumanbar reyna sûcdarî red kerd û îdia kerd ke xusumetê şahid bi ey dir esto û hewl da xo xilas bikero. Balkêşo ke gumanbar Mudurîyetê Asayîşî de cîya, roniştişê dewa de cîya îfade dayo. Pêwa nê raporan, doktoran zî îstîsmar tesdîq kerd û dadgehe qerarê qedexeyê tebervejîyayîşê teberî da û qerarê serbest veradayaşî gumanbar da. Dozgerî, roniştişê bîn 26ê teşrîna peyêne 2019an rê qerar da.