MEXMÛR - Cinîyanê Ciwan ê Mexmûrî bi sloganê "Seba azadî û vurnayîşî ti zî wirze serê lingan' bi beşdarbîyayîş 400 delegeyan 3ine kongreya xo viraşt.

 

Tevgerê Cinîyanê Ciwan ê Mexmûrî (TJCM) bi sloganê "Seba azadî û vurnayîşî ti zî wirze serê lingan" bi beşdarbîyayîşê 400 delegeyan 3in kongreya xo viraştî. Kongreya cinîyê ciwanan 2 serran reyke yena viraştene.

 

Kongreya cinîyê ciwan bi deqeyêke rêzgirewtişî dest pê kerd û dima ra raporê xebatê 2 serran ame wendene. Qiseykerdişê akerdişê kongre hetê endamê îdarekarê Tevgerê Cinîyanê Ciwan Nûdem Yemane ra ame kerdene û wina va: "Sere de ma do kongreyê xo serekî, tevgerê cinî û şehidê têkoşînî pîroz kenê. Ma biomid ê na kongre seba xeta azadîya cinîyan biba çimeyê serkewtişî. Ma biminesetê kongreya cinîyê ciwan de hêrişê serê Rojawanê Kurdistanî bişîdet şermezar kenê. Do cinîyê ciwan bitêkoşînê xo yê hêrişan bero. Seba ma bieşkê nê hêrişan bêrê û veng vajê, gerek ma bi ruhê wextî dir bibê yew û nê ruhî biciwîyê."

 

Dimayê qiseykerdişê akerdişê 5 kes seba diwanê kongreyî ameyî weçînayîş.