ŞIRNEX - Bi îdîaya "propagandaya rêxistine" vera keyeyanê Roboskîyijan dewa ameye akerdene ke domanê înan hetê teyarayanê şerî yê ra ameybî qetilkerdene.

 

Derheqê keyeyanê Roboskîyîjanê ke 34 merdimê înan hetê teyarayanê şerî yê artêşa Tirkî ra ameyî qetilkerdene bi îdîaya "endamîya rêxistine" dewa ameye akerdene.Semedê pankartanê serrgêra 4'ine ya qirqerdişî ra dewa ameye akerdene û roniştişo verên ê dewa do dimayê 2 rojan ê serrgêra 8'ine ya qirkerdişî do bêro dîyene.

 

Beşdarê vîrardişî bî dewa ame akerdene

 

28'ê Kanûna 2011 de dewa Roboskî ya Qilebanî ya Şirnexî de teyaranê şerî yê artêşa Tirkî 34 kesê Kurdî qetil kerdîbî. Serdozgerîya Komare ya Şirnexî bi meneya pankartanê ke serrgêra 4'ine ya qirkerdişî de ameyî akerdene ra tahqîqat dabi destpêkerdene. 

 

16 kesan rê tehqîqat

 

Çarçeweya tahqîqatî de îfadeyê Ayaz Encu, Aysel Encu, Berivan Encu, Cahide Encu, Cihan Encu, Fadile Tosun, Hanim Encu, Heybet Encu, Muhsin Aykut, Selcan Encu, Semire Encu, Sevcan Encu, Sozdar Encu û Tufan Saydam û Meral Geylane û Yannis Vasilis Yaylali ameyî girewtene. 

 

Dewa do 30 teşrîna peyêne bêro vînayene

 

Dozgerîye dimayê îfadeyan bi îddîaya "endamîya rêxistine" îddîaname amade kerd û Mehkemeya Cezaya Girane ya Şirnexî îdîaname qebul kerd. Roniştişo verên ê dewa do dimayê 2 rojan ê serrgêra 8'ine ya qirkerdişî bêro dîyene.