ENQERE - Merkezê Koordînasyonê Krîzî yê verba Qeyûman ê HDPyî qerar girewt ke verba destsernayîşanê şaredarîyan ê HDPyî heta 19ê Teşrîna Verêne ê do bêmabên çalakîyan virazê Darbeya qeyûmî ke 19ê Tebaxe de dest pêkerde û şaredarîyanê şaristanan ê pîlan ê Amed, Wan û Mêrdînî yê Partîya Demokratîke ya Şaran (HDP) ameyî destsernayene, 19ê Teşrîna Verêne de do mengan xo ra dima biverdo. 

 

Merkezê Koordînasyonê Krîzî yê verba Qeyûman ê HDPyî roja Çarşeme kom bi û plansazîya çalakîyan amade kerde. HDPyî qerar girewt ke heta 19'ê Teşrîna Verêne bi hewayêkê demokratîkî çalakîyan bike û nêrazîbîyayîşê xo bimojne. Qerarê ke hetê koordînasyonî ra ameyî girewtene hetê Heyetê Rayberdişî yê Merkezî ra zî ameyî tasdîqkerdene. Na çarçeweye de bi rayberîya Kongreya Komela Demokratîke (KCD), Kongreya Demokratîke ya Şaran (HDK) û Partîya Demokratîke ya Şaran (HDP) Amed, Wan, Mêrdîn, Êlih, Edene, Stenbol û Îzmîr de çalakîyî bêrê kerdene.

 

Do pêvînayîş bêrêkerdene

 

Plansazîya çalakîyanê ke do heta 19'ê Teşrîna Verêne bêrê kerdene wina yê: "Çerçeweya nê qeraran de çalakîyê Nobete yê Amed, Wan, Mêrdînî de taxanê înan de zî bêrê viraştene, standê îmza bêrê ronayene û kampanyaya îmza bêra kerdene. Rayberîya HDK, HDPyî çalakîyî û aktîvîteyî ke reaksîyonê komelî bêrê pîlkerdene, do bêrê viraştene

 

Bernameyê çalakîyan ê heta 19ê teşrîna verêne dewam bikera wina yo: 

 

*Bûrsa, Yalova, Kocaelî, Tekîrdag, Balikesîr, Çanakkale, Edîrne, Sakarya û pêro qezayanê bînan de qezaya Esenyurtî ya Stanbolî de çalakîye do bêra viraştene. Elîh û Sêrt de pê beşdarîya şarê qezayanê înan zî şar do kombîyayîşan de bêro têhet.

 

*Wan de pê beşdarîya qezayanê Wanî u şaristananê dorme ê Wanî şar do kom bibo.

 

*Şarê Mugla, Manîsa, Aydin, Denîzlî, Antalya, qezayanê înan ra û Îzmîrî ra Îzmîr de kombîyayîşê şarî do bibo.

 

*Kombîyayîşê pîlî yê ê pê beşdarîya şaranê Mêrdîn, Şirnex, û Riha û qezayanê înan do merkezê Mêrdinî de bibo. Pê beşdarîya şaranê Edene, Mersîn, Osmanîye, Hatayî û Edene de kombîyayîşêko pîl bêro kerdene.

 

*Pê beşdarîya şaran ê Anqara, Eskîşehîr, Kayserî, Kirşehîr û Konya de kombîyayîşê şarî do bibo. A roje saete 13.00 de do eşkerayîyê çapemenîye do her ca de bêrê dayenê."