KERKUK - Hûmarêke ciwanê wendekarê beşê tipî bi zerrîwaşte, serê kuçeyêk Kerkukî de nêweşîyan derman kenê.

 

Humarek beşê tipî yê bi zerrîwaşte kar kenê, Kerkuk de serê kuçeyan hacetanê xo yê doktorî rêz kerdê û merdiman bêpere derman kenê. Kombîyayîşê 15 doktoran qerebalixêke pîl mîyanê kuçeyanê Kerkukî de virazneno. Her kesê ke kuçeyan de rayîra şinê xebata înan bale ancena. Derheqê babete de doktoran şîroveyê xo pare kerdî.

 

'Ma îqazkerdişê weşîye merdiman kenê'

 

Derheqê zêdebîyayîşê nêweşîyan de Xale Sarare qisey kerde û va: "Rojane dayeyê nêweşîyan Kerkuk de zêde beno. Sebebê bingeyîn zî nê yê merdim erey reseno nêweşan. Wexto ke nê nêweşî zî beden de giran bê, o wext newe ra verê xo danê nêweşxaneyan ke weşîye xo pers bikerê. No xetereyêke pîl o. Seba nê ma sey doktorî îqazkerdişê seba weşîya merdiman xebatêke wina da destpêkerdiş ke şarê ma rastê zehmetîyan nêro."

 

'Ma biçalakîya xo bale ancenê serê pawitişê weşîya merdiman'

 

Îman Ednane zî wina va: "No cayê ke çalakîya ma yena kerdene cayê bazarî yo. Ma xususî cayêk wina weçîna ke ma bieşkê çalakîya xo bikerî. Tewirê nêweşîyê xebata ma yê ke ma pêşkêş kenê serê nêweşîya tansîyon, şekir, tîfo, brosela û temaşekerdişê gonî yo. Ma wazenê bi no hewa bale biancê serê weşîya merdiman û derheqê nê nêweşîyan de zanayîş bidê ê nêweşîyê ke înan estê hayeya înan çin a."

 

'Ma bihawayêke kêfweş verê xo danê doktoran'

 

Bihar Hamîde de derheqê dermankerdiş de wina vana: "Hûmarêke zêde cinî û ciwanan mîyanê nê karî de ca gênê. Ma bi hewayêke kêfweş verê xo danê doktoran. Vernê kesê emr pîl verê xo dayîne doktoran bala ma ante û ma zî verê xo da doktoran. Xebatê winasî kuçeyan de bêrê kerdiş weş ê, çimkî kesê ke feqîr bê nêeşkenê şêrê doktoran û derman bibê. Ma serkewtiş xebatê nê doktoran rê wazenê."