MEXMÛR - Xoverdayîşê Dayîkanê Aştîye yê Mexmûrî yê verê bendê kontrolî yê asayîşê PDK'yî de 27 rojan ra nata dewam keno.

 

Dimayê hedîseyê 17ê temuza 2019an ke restorantê Hoqqabazî yê Hewlêrî ke ci de berpirsîyarê MÎTî Osman Kose ame kiştiş û dima ra bi destê asayîê PDKî û îdarekarê hukmatê Herêma Federalê Kurdistanî ra serê Wargehê Penabaran ê Şehîd Rûstem Cûdî (Mexmûr) ambargo ameye kerdene û rayîr nîno dayîş ke nêweşî zî ci de ti kes wargeh ra derbazê bajarê Herêma Federalê Kurdistanî bibo.

 

72 rojî yo derûdorgirewtiş dewam keno

 

72 rojî yo derûdorgirewtiş û ambargoyê selahîyetdaranê Herêma Kurdistanî yê vera Kampa Multecîyan a Rûstem Cûdî (Mexmûr) dewam keno. Nêweşê ke ganî şorê Hewlêrî, yenê astengkerdene. Dermanî nêweşxaneyan de kêm bîyî û bi seyan karkerî zî nêeşkenê şorê ser karanê xo.

 

Lazimîyê dayîkan  bi doktoran esto

 

Seba wedaritişê nê derûdorgirewtişî Dayîkanê Aştîye yê Kampa Multecîyan a Şehîd Rûstem Cûdî (Mexmûr) binê şer û mercanê zoran de zî 27 rojan ra nata verê PDK'yî de mabênê Hewlêr û Mexmûrî de çalakîye de yê. Dayîkanê Aştîye yê Mexmûrî şew û roja xo uca  derbas kenê. Asayîşê PDK'yî rayîr nêdano ke werdiş û şimitiş zî seba dayîkan bêro û ekîpa weşîye zî zîyaretê dadîyan bike. Hewteya vîyarte de dayîkêke nêweş bî û ameye berdene bi nêweşxaneyî. Nika zî mayê ke uca yê  hewcedarîya înan bi doktoran esta, la asayîş rayîr nêdano ke kes zîyaretê înan biko.