MÊRDÎN - Hemsereka HDP'yî yê Mêrdînî Eylem Amake Nobeta Demokrsîyî ya verba qeyûman a Mêrdînî de qisey kerd: " Ma sey cinîyî mesajê sîstemî yo nêrî û bandurî girewt. Cewabê ma do xoverdayîş û pîlkerdişê têkoşînî bo."

 

Nobeta Demokrasîyî roja 39'ine de qezaya Dêrikî ya Mêrdînî de dewam kerd. Çalakîye binê muşahedeyê polîsan de pê deyîran dest pêkerde .

 

'Ma do xoverdayîşê xo girs bikerî'

 

Hemsereka HDP'yî yê Mêrdînî Eylem Apake îzehetê çapemenîye ya dewaya Fîgen Yuksekdagi ya ke siba do bêra kerdene wend û vat, "No mesaj yeno meneya tedaya verba siyasetmedaranê Kurdî, şorişgeran û muxallefetî do biba zafêr. Sey cinîyî ma no mesajê sîstemî yo nêrî û bandurî girewt. Cewabê ma do xoverdayîş, pîlkerdişê têkoşînî, paştdayîşê cinîyan, wareyê têkoşînî yo hempar bo."

 

Wekîlê HDP'yî yê Amedî ÎmamTaşçierî  zî va:‘‘ Pê tayînkerdişê qeyûman îradeyê şarî ame xespkerdene û xespkerdişê şaredarîyan seba sazkerdişê demokrasîyî kêmîya pîle ana meydan. Seba ke tawirê HDP'yî yo demokratîk û israrê HDP'yî haştîye de tedayî dewam kenê, tedayî bîyî zêde. La HDP wayîrê o hêzî yo ke nê erdî de demokrasî saz biko."