AMED - Îdarekarê Partîya Demokratîke ya Şaran (HDP) yê ke seba hemşaredarê Pasûrî yê ke wezîfe ra ameyî dûrfînayene, şîyê zîyaretê paştdayîşî, raştê hêrişî ameyî û hedîse de 2 kesî birîndar bîyî

 

Polîsan hemşaredarê qezaya Pasûrî ya Amedî  Mehmet Fatîh Taş û Fatma Aye tepiştbî û bi fermanê Wezîrîya Karê Zerre herinda înan de qeyûm ameybî tayînkerdene.

 

Îdarekaranê Partîya Demokratîke ya Şaran 

 

(HDP) ra heyetêko semedê paştdayîşî şîyê zîyaretê endamanê meclîsî raştê hêrişî ameyî. Badê zîyaretî rayîrê agêrayîşî de grûbêka 10 kesan ra pê ameyene bi çekanê girdan û jopan verba wesayîtê HDPyî hêriş pê ardî. Rîyê hêrişî ra camê wesayîtî şikîyayî û 2 HDPyîjî birîndar bîyî. Yeno vatene ke hêriş hetê natoranê dewan ra ame kerdene. Badê hêrişî HDPyîjî bendê leşkerî de ameyî vindertene û GBTyê înan ameyî kontrolkerdene. Wesayîtan ra di hebî ameyî destûrdayene ke şêrî, la wesayîtan ra yewêk bendê kontrolî de ame vindarnayene.