ENQERE - Muracatê denetîmo serbest yê ke Esma Yilmaze mehkemaya înfazî kerdbî, badê 2 serran ame qebûlkerdene. Arîn û maya xo do ewro zîndan ra bivejîyî.

 

Esma Yilmaz û kênaya xo Arîna ke nêweşîya astimî aye de esta Zîndanê Padaye yê Mêrdînî de tepişteyî bî. Her ke şîyêne şert û mercê zîndanê vera rewşa Arîne hîna xidar bîyêne û dermanê aye nêdîyayêne. Esma û Arîne do ewro bêrî tehlîyekerdene. Muracatê denetîmo serbest yê ke Esma Yilmaze mehkemaya înfazî kerdbî, badê 2 serran ame qebûlkerdene. Arîn û maya xo do ewro zîndan ra bivejîyî.

 

Arîne hema 2 aşme bî tewrê dayîka xo Esma Yilmaze kewte zîndan. Esma verê zî 3 reyan seba serbestveradayîşê bi denetîmo serbest muracatê mehkemaya înfazî kerdbî, labelê waştişê aye nêameybî qebûlkerdene. Esma cok ra muracatê Mehkemeya Qanûno Bingeyî (AYM) kerdbî. AYM hema zî derheqê dosya de qerar nêdayo.

 

Sewbîna rewşa weşîya domana Hulya Usanmaza ke Zîndanê Padaye yê Tîpa Eyî yê Mêrdînî de tepişteya Avşîne zî her ke şona xidar bena. Ame zanayene ke birînê Avşînî yê rîyê aye vilayê fek û qirika aye zî biyî û tedawîya aye nîna kerdene. Ame vatene ke Avşîne nêweşîya xo vera nêeşkena werd biwera.