AMED - Qeyûmo ke tayînê Şaredarîya Bajarê Girdî ya Amedî ame kerdene meclîsê şaredarîye bi hawayo fîîlî fesh kerd. Qeyûm kombîyayîşê xo yê yewin yê meclîsî de herinda 93 endamanê meclîsî yê ke weçînayîş de ameyî weçînayene de 5 karmendan bicakerd.  

 

Walîyê Amedî Hasan Basrî Guzelogluyo ke hetê Wezîrîya Karê Mîyanenî ra sey qeyûm tayînê Şaredarîya Bajarê Girdî yê Amedî ame kerdene, kombîyayîşê xo yê yewin yê meclîsî 11ê êlule de pê ame ard. Vejîya raşte ke qeyûm no kombîyayîşî herinda 68 endamanê meclîsî yê HDPyî, 22 endamê meclîsî yê AKPyî û 3 endamê meclîsî yê SPyî de 5 karmendan ra pê ard. 

 

No kombîyayîş de qerarê meclîsê weçînitene yê derheqê 5 camîyanê ke esasê înan hetê Şaredarîya Peyasî ra ameyîbî eştene zî ame betalkerdene. Bi no qerarî reyde meclîsê şaredarî yê weçînitene bi hawayo fîîlî ame feshkerdene.