STENBOL- Avûkatanê Rayberê PKKyî Abdullah Ocalanî semedê pêvînayîşê muwekîlê xo muracatê Serdozgerîya Komare ya Bûrsa kerdî.

 

Avûkatanê Abdullah Ocalanî Nevroz Ûysal, Faîk Ozgur Erol, Cengîz Yureklî Mazlûm Dînçî seba ke siba muwekîlê xo Rayberê PKKyî Abdullah Ocalanî reyde Zîndanê Tîpa Fyî yê Asayîşo Berz Îmrali de pêvînayîş bikerî, muracatê Serdozgerîya Komarî ya Bûrsa kerdî.

 

Avûkatanê Abdullah Ocalanî badê 8 serran 2 û 22ê Gulane, 12 û 18ê Hezîrane  û 7 Tebaxe de Abdullah Ocalanî dir pêvînayîş viraştbi.

 

 

Sewbîna muracatê birayê Abdullah Ocalan Mehmet Ocalan û wasîyê ci Mazlûm Dînçî û birayê Omer Hayrî Konarî Emîn Konar, birayê Hamîlî Yildirimî Polat Yildirim û waya Veysî Aktaşî Melîhe Çetîne û kênaya xo Eylem Çetîne ke roja Îne bi rayîrê avûkatanê xo muracat kerdbî zî bi mehneya sînorkerdişê têkilîya hukmweran ame redkerdene.