AMED - Nobeta Demokrasîye ya Amedî ke vera tayînkerdişê qeyûman de dîya destpêkerdene roja 27ine de dewam kena. Eşkerayîya ke ame dayene de ame vatene ke darbe girayo îradeya şarî ro û têkoşînê vera qeyûman do netîceyêko serbikewte bigîro.

 

Bi fermanê Wezîrîya Karê Zerre qeyûm tayînê şaredarîyanê bajaranê Amed, Wan û Mêrdînî ameyî kerdene. Çalakîyê ke vera tayînkerdişê qeyûman de dîyayî destpêkerdene dewam kenî. Nobeta Demokrasîye ya Raşteyê Lîseyî ya hemverê Şaredarîya Bajarê Girdî ya Amedî roja 27ine de dewam kena. Raşteyê Lîseyî verê ke çalakî dest pêbikera hetê polîsan ra girîya binê ablûqa. Çalakîya Nobeta Demokrasîye de pankartê ‘Dest mede îradeya mi’ ame akerdene. Sewbîna siloganê ‘Ma do sere wedarnî û ser bikewî’ û ‘Vera qeyûman de mil bidêne yewbînan’ ameyî berzkerdene.

 

Aktivîstê Tevgerê Cinîyanê Azadan (TJA), Parlamenterên HDPyî, Partîya Kurdistanijan, Rêxistinê bajar û qezayan yê HDP-DBPyî, Partîya Sosyalîstanê Bindeste (ESP) Komeleyê Başûrê Rojhelatî û Rojhilat, Endamê MYKyî yê Yewîya Odeyê Muhendis û Mîmaranê Tirkî (TMMOB), Serekê Şaredarîya Akpazarî yê Dêrsimî Orhan Çelebî û xeylê kesî tewrê çalakîya Nobeta Demokrasîye bîyî.

 

Qiseykerdişan de mesajê ortax ameyî dayene û çalakî bi çalakîya roniştişî ya 10 deqeyan qedîyaye.