WAN - Wan de Hemsereka HDP'yî ya Wanî Yadîşen Karabûlake zî tede  6 kesî bi îdiayê "Propagandayê rêxistine" ameyî tepiştene. 

 

10'ê Êlule de merkezê ci Wan, Bêdlîs, Colemêrg, Amed û Îdir de sereştişê keyeyan de Hemsereka HDP'yî ya  Wanî Yadîşen Karabûlake zî tede  21  endamê Kongraya Cimatî ya Demokratîke (KCD) û Partîya Şaran a Demokratîke (HDP) yê ke ameybî destbenkerdene înan  ra 6 kesî ameyî tepiştene.

 

Yê ke bi îddaya "endamîya organîzasyonî" û " propagandaya organîzasyonî" ameyî tepiştene nameyê înan wina yê: Hemsereka HDP'yî ya  Wanî Yadîşen Karabûlake, sermîyana HDP’yî ya Şaristanî  Nesîbe Akdage, Seyît Kiliç, Îbrahîm Sûngûr, Fîkret Doğan û Dîlan Yildize. Ê bînî zî pê şertê qontrolê edlî ameyî veradayene.