ENQERE - Avûkat Sevînç Hocaogullari da zanayîş ke hukûmat derheqê şîdetê cinîyan de vera çareseriyê mende awan bikero, reyna munaqeşeyê daliqnayîşî ardo rojeve û no zî yeno manaya ke tena dorê problemî geyrenê û va: “Bi cezakerdişêke teberê merdimayî sey ‘daliqnayîşî’ , problem merkez ra vetiş û bêçareserî ferz kenê.”

 

'Bêçareserî ferz keno'

 

Sevînçe arde ziwan ke zêdebîyayîşê şîdet û kiştişê cinîyan de tesîrê polîtîka bêcezabîyayîş û xeylê tesîrê bîn estê û wina va: “La ma tena sebebêke nîşan bidê, no zî polîtîkayê dişminê cinîyan o. Sebebê nê polîtîkayan zî kampanyayê derheqê wedartişê qanûnan hûmar 6284, Pêameyîşê Stenbolî de yo. Nê kampanyayê vera heqê cinîyan yenê meşnayîş zî, şîdetê serê cinîyan zêde keno.”

 

'Gerek kêmî verê çiman de bêro girewtiş'

 

Sevînçe va destkewtişê cinîyan bi têkoşînêke pîl ameyê destkerdiş û wina dewam kerde: "Pêameyîşê Stenbolî baş bi ca nêanê. Eke şîdetê serê cinîyan ewro zêde bibo gerek ma nê kêmîyan munaqeşe bikerê. Ganî ma biewnê ke merkezê vernîgirewtişê şîdetê serê cinîyan Tirkîya de esto yan ney. Gerek ma nê bikerê babeta xo. Ganî derheqê cinîyan de sererastkerdiş bêro kerdiş. Eynî wextî de muhakeme zî berpirsyariyê xo nêano ca. Ewro pêwa ke ferzkerdişê qanûnî estê zî xeylê şaredarî stargehê înan çin ê û hîn sucî zî kewenê binê çarçeweya ‘yewbînankerdiş'. Ganî seba vindarnayîşê nê game bêro eştiş. Ganî tevgerê cinîyan bikewo tevger û waştişan verê çiman ra derbaz bikerê."