MEXMÛR - Çalakîya Dayikê Aştiye ke vera dorpêçê PDKyî mabêne Hewlêr û Mexmûrê de 54 rojî yo ameyo kerdiş dewam kena. Dayikan, da zanayîş ke heta dorpêç peynî nêbo do çalakîya xo dewam bikerê.

 

17ê temmuza 2019an de restorantê bi nameyê Hoqabazê Hewlêrî berpirsyarê MÎTî (Teşkîlatê Îstîxbaratê Tirk) Osman Kose ame kiştiş. Dimayê na hedîse Wargehê Penabaran ê Şehîd Rûstem Cûdî (Mexmûrî) reyke bîn bi hedefê hêrişan û bi temamî ame dorpêçkerdiş. Bi 54 rojî yo dorpêç û ambargoyê serê wargeh de dewam keno.

 

Dayîkê Aştiye ya Mexmûrî 9 rojî yo vera germ û toz çalakîya xo dewam kenê. Dayîkî wazenê bi rayedarê Hewlêrî dir kom bibê û sebebê rayîr girewtişî bizanê. La heta nika rayedarê hukûmatê Herêma Federal ê Kurdistanî tu kes serdayîşê dayikan nêkerdo.

 

Eynî wextî de asayîşê PDKyî nêverdeno ke tu kes şêro serdayîşê dayikan û werdiş û şimitiş înan rê berê. Dayikê Aştiye vera astengî û hêrişan çalakîya xo de bi israr ê.