STENBOL - Polîsan Stenbol de hêrişê çalakîya vera qayûmî ya cinîyan kerdbî û 23 kesan bi derbkerdişî tepiştbî.

 

Vizêr Endamanê Platformê Cinîyî Pîya Bihêz seba şermizarkerdişê qayûman Beşîktaşê Stenbolî de çalakîyêk organîze kerdî. Polîsan hêriş kerdbî û muxabîrê rojnameyê Ozgur Gelecekî Taylan Ozgur Oztaşî zî tede 23 kesan tepiştbî. Polîsan 23 cinîyê ke Beşîktaş de tepiştbî berdî nêweşxane û ewja ra zî berdî Qereqolê Beşîktaşî. Badê ke îfadeyê 23 cinîyan ame girewten serbest ameyî veradayene.