AMED - MÊRDÎN - Amed de 4 rojnamegerê ke 19ê tebaxe de ameyî tepiştene 5 rojî yo tepişnayeyê. Mêrdîn de zî 5 rojnamegerî 20ê Tebaxe de ameyî tepiştene 4 rojî yo tepişnayeyê. 

 

Roja ke qayûm tayînê Şaredariyê Amed, Mêrdîn û Wan kerd, polîsan Amed de eşt serê keyeyê rojnameger û Edîtorê Mezopotamya Ziyan Karahan keye de ame tepiştene. Reyna eynî şewe de Xebatkarê Çapemeniye HDPyî Vedat Dag, Xebatkarê Rojnameyê Yenî Yaşamî Onder Akbulut û rojnameger Ozgur Ulke ameyî tepiştene. Ziyan, Vedat, Onder û Ozgur 5 rojî yo tepişnayeyê.

  

Muxabirê Ajansê Mezopotamyayî Ahmet Kanbal û Mehmet Şah Orûç û muxabira Jinnewsî Rojda Aydin û rojnameger Nûrcan Yalçin û Halîme Parlak ke 20ê Tebaxe de wexto ke Mêrdîn de çalakiya şermezarkerdişê qeyûman taqîb kerdêne ameyî derbkerdene û dima ra ameyî tepiştene, 4 rojî yo tepişnayeyê. 5 rojnameger 4 rojî yo Şubeyî TEMî yê Mudirîyetê Polîsan ê Mêrdînî yenê vindarnayene.