AMED - Sereştişê keyeyan yê Amedî de sîyasetmedarê HDP û DBPyî zî tede xeylî kesî ameyî tepiştene.

 

Amed de saetanê şewe de sereştişê keyeyan ameyî viraştene xeylî kesî ameyî tepiştene. Sereştişanê Amedî de endama Heyetê Rayberdişî yê Merkezê Partîya Herêmê Demokratîkî (DBP) Sevîm Bîçîcî, îdarekarê Partîya Demokratîke ya Şaran (HDP) yê Bajarî Kadîr Înanir, xebatkarê şaredarîye Şîyar Dag, îdarekarê DBPyî yê Bajarî Hayrî Etyemez û Fuat Yalçin, endamê Meclîsê Şaredarîya Bajarê Girdî Mehmet Akdogan, Ceylan Arslane, pawitoxe Gulîstan Ataşe, Şahîn Saglam, hetkarê Sekreterê Pêroyî yê Şaredarîya Bajarê Girdî Mûrat Emînoglu, endamê Meclîsê HDPyî Mesut Bagcik, Edîp Bînbîr, Mustafa Akengîn, Mahmût Korkmaz, Feyzî Işik û sereka Daîreyê Polîtîkayanê Cinîyan yê Şaredarîya Bajarê Girdî Selda Barane, endamê merkezê HDPyî Burhan Karakoç, Avnîye Tanrikulu, îdarekarê HDPyî yê Bajarî Alî Îhsan Karahan û hetkarê hemsereka/ê Pêroyî yê DBPyî yê Bajarî Halîde Turkoglu ameyî tepiştene. Qezaya Çinarî de zî Mahmut Ulus û Fevzî Demîrkan ameyî tepiştene. 

 

Eynî wextî de polîsan eşt serê keyeyê hemserekê HDPyî yê bajêrê Amedî Hulya Alokmen û Zeyyat Ceylan, la seba ke keye de nêbî nêameyî tepiştene.