AMED - Hemşaredarê Şaredarîyanê Girdan ê Amed, Wan û Mêrdînî wezîfeyî ra ameyî dûrîfînayene. Her hîrê banê şaredarîye zî binê ablûqaya polîsan de yê.  

 

Şaredarîyê Bajaranê Girdan ê Amed, Wan û Mêrdînî  gerîyayî binê ablûqa.Wezîrîya Karanê Zereyî eşkera kerd ke înan serekê her hîrê şaredarîyan zî wezîfeyî ra fînayî dûrî.

Hemşaredarê Bajarê Girdî yê Amedî yê Partîya Demokratîke ya Şaran (HDP)  Selçûk Mizrakli, Hemşaredarê Bajarê Girdî  yê Mêrdînî yê HDPyî Ahmet Turk û Hemşaredara Bajarê Pîlî yê Wanî yê HDPyî Bedîa Ozgokçe Ertane wezîfeyî ra ameyî girewtene.

 

Dimayo ke hemşaredar Selçûk wezîfeyî ra ame girewtene polîsan bi şiknayîşê beran eşt Şaradarîya Pîlî ya Amedî ser. Selçukî da zanayene ke ci rê teblîgatêk nêameyo û va: “Saete 6 de berê şaredarîye  şikitî û kewtî zere. Ez zî nika şina şaredarîye. Tewirêko vera huqûqî yeno ciwîyayene. Ma vînenê ke ma kewenê demêko neweyî. Qanûnê bingeyênî û weçînitişî nênê naskerdene. No xestpkerdişê îradeyê şarî yo.”