MERKEZÊ XEBERAN - Mêrdîn, Şirnex û Îzmîr de tewr tay 27 kesî ameyî tepiştene. Mêrdîn, Şirnêx û Îzmîr de endamê Meclîsê HDP’yî zî tede 27 kesî ameyî tepiştene. Nisêbîn de polîsan berêk bi gulekerdîşî akerd.

 

Mêrdîn

 

Qezayanê Nisêbîn, Qoser û Stewrî yê Mêrdînî de polîsan saetanê serê sibayî de eşt xeylî keyeyan ser. Sereştişan de keyeyî ameyî serûbinkerdene û xeylî kesî ameyî tepiştene. Stewr de endamê HDP’yî Hatîp Oncu û pîyê ci Ferhat Encu ameyî tepiştene. Reyna Qoser de endamê HDP’yî Hamza Agizman, Abdulkadîr Tati û Faysal Taş ameyî tepiştene. Nisêbîn de zî endama Meclîsê Şaredarîye yê HDP’yî Zeynep Sevlûşe û endamê HDP’yî Erhan Mûtlû ameyî tepiştene. Polîsan guyleyî kerdî berê Erhan Mûtlûyî ser ra û wina ber akerd.

 

Şirnêx

 

Şereştişê Şirnexî de di kesê ke nameyê înan nêame zanayene ameyî tepiştene. Qezaya Hezexî de zî endamê Şaredarîye yê HDP’yî  Mehmet Eraslan û Vahap Ozel, Îdîl Yalçin û Hatîce kaya ameyî tepiştene.

 

Îzmîr

 

Îzmîr de zî seretişanê keyeyan de bi îdîaya ’endamîya rêxistene’ 13 kesî ameyî tepiştene. Kesê ke ameyî girewtene nameyê tayînan wina yê: Hemserekê HDP’yî yê Narlidere Mehmet Gul, Denîz Yilmaz, Şevket Topkaya, Ozcan Erhan û Yasîn Dalbûdak.