AMED- TJA û HDPyî Parka Koşuyoluye de roşanê şaran bimbarek kerdî. Badê bimbarekkerdişê roşanî bi deyran govende ameye çarnayene.

 

Çarçeweya Çalakîyanê Teberî yê Parka Koşuyoluye ke hetê Şaredarîya Bajarê Girdî ya Amedî ra yeno organîzekerdene de vizêr saetanê şewe de TJA û HDPyî Parka Koşuyoluye de roşanê şaran bimbarek kerdî. Badê bimbarekkerdişê roşanî bi deyran govende ameye çarnayene. Çalakîye de Hunermend Azad Bedran vejîya sahne. Çalakîye de ver Parlamenterê Partîya Demokratîke ya Şaran (HDP) yê Amedî Hişyar Ozsoyî qisey kerd û roşanê her kesî bimbarek kerd.

 

'Lazimîya her kesî esta ke nefesêko asan bigîro'

 

Hişyarî vist vîrî ke Parka Koşûyolû xeylî wexto ke binê ablûqa de yo û va: “Nê hîrê serran peyênan de nê bajarî zaf zordarîye dîye. Roşan tam bi manaya xo tîya nênê pîrozkerdene. Mîyanê nê kaosî de bi nê aktîvîteye yeno waştene ke şar nefesêk bigêro, ma nêwazenê bi sîyasetî nayî bifatisnê. Çi heyf o ke heme alemê Îslamî û Rojakewetena Mîyanêne mîyanê gonî û de yê. Vera îradeyê haştîye yê şaranê Sûrîye bi tankanê ke sînoran de ameyî cakerdene û tehdîtanê şerî vernîya şahî û ûmidê roşanî zî ameya girewtene. Rika naye Kurdî û HDP amadeyê ke destê haştîye hawa ra tepişê. Ma ûmid kenê ke naye ra tepîya roşanan de merdimî qurban nêbênê.” 

 

Badê qiseykerdişan Hunermend Azad Bedran vejîya sahne ser û deyranê xo vat. Tewrê deyranê ke ameyî vatene govende ameye çarnayene.