MÊRDÎN - Şaredarîya Şemrexî hewteyê vîyarte de endamê meclîsê AKPyî Hîkmet Erdîn bi sîleh kewt kombîyayîşê meslîsî û hemşaredar û endamê meclîsî tehdîd kerd. Derheqê Hîkmet Erdînî de muracatê sûc ame kerdene. Endama Meclîsî HDPyî Hamarate da zanayîş ke seba endamîya ey meclîsî bêro vitiş nuşte qeymeqamtî rê eşrawitê û wina va: "Reya vernê ma nê hêrişan nêvînenê. Ma sere nêtewênenê û ma do heta peynî têkoşîn bikerê."

 

'Tehdîd kerd û dima ra gerre kerd'

 

Fehîmeye wina va: "A roje endamê meclîsî yê AKPî derheqê sîteya sanayî de çîyêk pers kerd. Şaredar zî cewab da perse. Cewab ey tatmîn nêkerd û sîlehê xo nîşan da û qisey kerd. Hemşaredar vejîya war û polîs ra va şima çira bi sîleh gênê zere. Dimayê hêrs bi kufr kerd. Dima ra avûkatê ey zî hêriş kerdî. Va ‘ez o tîya serê sereyî şima de birijnî. Ez dewlet a.' Dimayê hedîse ey zî gerre kerd. Ma îfade da. Embazêke ma çend rojan tepişnaye mend."

 

Nuşte eşrawitî qeymeqamtî

 

Fehîmeye arde ziwan ke dimayê hedîse ameya ciwîyene înan îfade dayo û înan zî gerre kerdo û va: "Înan ma tehdîd kerd, hêriş kerdî. La ma zî gerre kerd. Ma qebûl nêkenê. Ma zî serdayîşê sucî kerd. Ma nuşte eşrawit qeymeqamtî rê ke endamîyê ey meclîsî bêro feskerdene. No kes verê zî cigirê qayûm bi. Bi zanebîyayîş munaqeşe vet. Ganî no kes reyke bîn nêkewo  şaredarî. Ma vera înan hêrişê heta peyîn xo ver bidê."