Viyan Seîd - Elmas Nayif  

 

ŞENGAL - Cinîyê Şengalî bi wesîleyê Roşanê Qurbanê fikrê xo ardî ziwan û vatî: "Ma umîd kenê Roşanê Qurbanî bibo sebebê aştîye. Ma wazenê pêro Roşanê Şarê Kurd û dinya bi aştî û azadî derbaz bibo."

 

Derheqê Roşanê Qurbanî de cinîyê Kurd ê Êzidî dîyar kerdî ke ê her serre roşanê xo bi zerrîyêke şiknaye pîroz kenê û nêwazenê êdî tu kes roşanê xo bi zerrîyêke şiknaye pîroz bikerê û wina vatî: "Seba aştî û azadîyek mende manaya roşanan girîng o. Ganî roja roşanan de ma pêro umîdê xo tewr xurt bikerî."

 

'No xoverdayîş do heta peynî dewam bikero'

 

Cinîya bi nameyê Şîrîn Îdo derheqê Roşanê Qurbanî de wina va: "Ez roşanê Qurbanî Kurdê welat û teberê welat hemine rê pîroz kena. Eynî wextî de ez roşanê Mam Zekî û heme şehîdan pîroz kena. Seba aştî û azadîya mende manaya roşanan girîng o. Ganî roja roşan de ma heme umîdê xo tewr xurt bikerê. Çiqas zî ferman serê şarê Kurd derbaz bibo zî do umîdê xo vindî nêkerê û roşanê xo pîroz bikerî. Şarê ma xo ver da û çek dayî serê milê xo û vera DAÎŞî de şer kerdî. No xoverdayîş do heta peynî dewam bikero."

 

'Verê roşanê ma hîna weş bî'

 

Maya xoverdayoxan bi nameyê Surê Xidire wina hîsê xo ardî ziwan: "Ez sere de roşanê heme şehîdan û peynîya roşanê şarê Kurd pîroz kena. Her çiqas zerrîya ma şiknayî bo zî ma reyna roşanê xo pîroz kenê û hewl danê serê lingan de vinderê. Ma umîd kenê roşanê Qurbanî bibo sebebê aştîye. Ma wazenê heme roşanê şarê Kurd û dinya bi aştî û azadî derbaz bibê."