Medine Mamedoğlu

 

MÊRDÎN  - Xanê Serçe yê tarîxî dewa Durakbaşi ya Nisêbînî de yo, demêke xano tewr qerebalix bi û nika tena çend xerabe pey ci de mendê. Xano ke yeno zanayene 12 Bedenî ameyo meydan, roja ewro de tena bedenêke ci serê lingan de mendo. 

 

Mêrdîno ke bi tarîx û kulturê xo sey merkezê şaristaniyan yeno zanayene, serê berê ci de rêçe tarîxî esta. Bi keşîşxane, dêr û awanîyê tarîx piştdayîşêk pîl dano turîzm û eynî wextî de xeylê awanîyê tarîxî yê nînê zanayene estê. Qezaya Nisêbînî ya Mêrdînî dewa Kasriserçehan Xanê Serçe esto. Yeno texmînkerdene ke no xano tarîxî verê zayîşî mabêne 530-570ê de ameyo viraştene û nika tena bedenêke nê xan ra mendo. Seba nê texrîbatê kerra her wext kewtê û dewijan seba restorekerdene waştiş kerdî.

 

Tena bedenêke mend

 

Xanê Serçe merkezê dewe de ca gêno û verê rayîrê Îpekyolu yê tarîxî de yo. Vatî ke karwan verê uca de bi ca bîne û 12 bedenan ra ameyne meydan. Berêke ci rojawan, yew zî rojhelat bîyo. Heta roja ewro xan xeylê rey ameyo texrîbkerdene. Nika 12 bedenan ra tena yew mendo û awanîyê bîn yê xanî bi keyeyan yan zî bi herre ameyo girewtene. Seba texrîbkerdene kerra yê ci her wext kewtê û kerra yê ke kewtê zî dewijan pawitê.