Tolîn Muhemed

 

ŞEHBA - Cinîyê Efrînî yê ke Şehba de bi ca bîyê û hêrişê dewleta Tirkî yê serê Kantonê Şehba û qezaya Şêrewayî şermezar kerdî û vatî: "Ma hêriş û tehdîdê dewleta Tirkan şermezar kenê. Xoverdayîş ma do her wext vera hêrişan dewam bikero."

 

Dewleta Tirkan dimayê hêrişê serê Efrînî û koçberkerdene şarê uca êdî reyke bîn hêriş û tehdîdê xo yê serê şarê Efrînî yê ke Şehbayî bi ca bîyê newe keno. Cinîyê Efrînî derheqê nê hêrişan de şîroveyî xo ardî zîwan.

 

'Bê herre û welat nêbeno' 

 

Maya Suad Bekira Efrînije wina va: "Efrîn de dewleta Tirk bi metodêke wehşî hêrişê ma kerd. Nika zî reyke bîn teyare û tehdîdê xo serê asîmanê Kantonê Şehbayî û qezaya Şêrewa de teyareyê xo pernenê. Seba şar biterso her çî kenê. La ma şarê Efrînî hêrîşê înan ra nêtersenê û her wext verê ma  Efrîn de yo. Bê doman beno, la bê herre û welat nêbeno."

 

'Domanê ma bê pî verdayî' 

 

Endama Komînî Leyla Remo zî hêrişê dewleta Tirkan şermezar kerde û wina va: "Dewleta Tirkan hêrişê dewanê Şehba û qezaya Şêrewa kena. Domanê ma vengê teyeran ra ranêkewenê. Bes nîyo? Efrîn de domanê ma bê pî verdayî. Cinî, doman, pîr û kalê ma bi şîdet qetil kerdî. Nika zî tehdîdê xo Şehba û Rojhelatê Firatî kenê. Ma pêro hêrişan şermezar kenê û ma vanê ke ma do her wext vera zulmî vinderê."

 

'Ma do her wext şermezar bikerî'

 

Emel Sîdo zî hîsê xo vera tehdîdê dewleta Tirkan arde zîwan û va: "Ma nika Şehba de bi ca bîyê, la reyna ma tehdîd û hêrişê dewleta Tirkan ra xelas nêbî. Amancê dewleta Tirkan o yo ke ma Şehba ra vejîyê û Efrîn ey rê bimano, la ma nêverdenê no xeyal bi ca bêro. Ma do xoverdayîşê xo dewam bikerê û serkewtiş her wext ê şarê Kurdan o. Ma hêrişan şermezar û lenet kenî."