WAN - Rojnamegere Denîz Firata ke hetê çeteyanê DAIŞî ra ameyebî qetilkerdene, serrgêra şehadetê ci de ameye vîrardene.

 

Denîz Firate ( Methîye Yildiztane) ya ke hêrişê DAIŞî yê 8ê Tebaxa 2014î yê Kampa Mêxmûrî de cuya xo vindî kerde,  qezaya  Ebaxe ya Wanî de gorê xo ser ameye vîrardene.

 

'Ma taqîbkerdoxê têkoşînê Denîze yê'

 

Vîrardişo ke bi rêzgirewtişî ame destpêkerdene merdim û embazê Denîze yê rojnamegerî tewrê ci bîyî. Platformê Rojnamegeran ê Cinîyan ê Mezopotamya ra Hîkmet Tunçe vîrardiş de qisey kerd. Hîkmete vist vîrî ke Denîz Firate vengê cinîyan ê ke hedefê hêrişê DAIŞî de yê dinya rê da eşnawitene û va: “Denîze cayanê pêkewtişanê tewr giranan de bi kameraya xo vernî de cayê xo girewte. Denîze mîrasê çapemenîya azade Mûsa Anter û Gurbetlî Ersozî girewt. Ma zî kameraya aye genê û mucadeleyê ci danê domnayene. Ma do cinîyan bi nasnameyê mexdûrî nê bi serkewtişê ci nuştiş rê dewam bikerê.”

 

Birayê Denîze Seyat Yildiztanî zî vat embazanê Denîze çirey pênusê aye erd nêverda do meverdê zî.