MEXMÛR - Cîranê Denîz Firate ke Mexmûr de aye nas kerdene behsê aye kerdî û dîyar kerdî ke Denîze bi têkoşînê xo tesîrêke pîl serê înan de kerda û bi domanan dir doman bi pîlan dir pîl bî.

 

Serra 2014an de çetêyê DAÎŞî bibî belayê serê dinya û bi taybetî Rojhelatê mîyanên roj nêmendêne ke nê çeteyan qirkerdiş nêkerdêne. 6ê Tebaxa 2014an de nê çeteyan na rey zî verê xo dayî Wargehê Multecîyan ê Rustem Cûdî ( Mexmûr) û hêriş kerdî. Roniştoxê mexmurî xoverdayîşêke pîl vera DAÎŞî ramojnayî û şerêke xidar mexmur de ame meydan. Wextê şerê xidar de, seba ke xoverdayîşî Mexmurî ame kerdene, nîşanê temamê dinya bida rojnameger Deniz Firate bi qemereyê xo cepheyê vernîyê şer de no şer tqaîb kerdêne. Denîze verê qemereya xo eynî wextî de bîne şahidê nê pêlê xoverdayîşî zî. La wexto ke hewil dayne dîmenê şer bîanco, hetê çeteyê DAÎŞî ra şehîd ameye vistiş û 8ê Tebaxa 2014an de zî nêwaşxaneyêke Hewlêr de cuya xo vindî kerde.

 

'Denîze zaf fedekar bî' 

 

Maya bi nameyê Ayşê Arzu hîsê xo û ewnîyayîşê xo arde zîwan û va: "Deniz cîrane ma bî, ameyîş û şîyayîşê ma yewbînan dir bi. Denize merdimêke ruh şenik û fedakar bî. Rastî de zî ez çîqas qalê Denize bikerî qîm nêkeno bîyarî ziwan. Her di rojan reyke ameyne serdayîşê ma, persê rewşa ma kerdêne. Rojêke ame mi aye ra va bêrê nan biwere, aye va karê mi esto gerek verê karê xo bikerî. Her dem karê aye bî. Dimayê roja mi va bê nan biwere hewteyêke derbaz bi, ma wargeh verda û ma vejîyayî. Dima ra zî xora ma xebera şahadetê denîze eşnawit. Şahadetê Denize tesîrêke pîl serê mi de kerd. Seba ke ferqê aye û kêna mi qet çin bi."

 

'Ez soz dana qetî xo vîr ra bikerî'

 

Qomrî Aygune ke aye zî yew roniştixê Mexmûrî ya Denîze nêzdî ra nas kena û wina va: "Mi embaz Denize serra 1994an de Şaranîş de nas kerde, la o wext aye qij bî. Serra 2013an reyna bi cîranîya ma. Aye mi nas kerde û mi ra va ti mi nas kena. Mi va na, va ez Deniz a o wext ma do newe ra pîya nas bikerî. Embaza Denize hem seba domanê mi hem zî seba pêro domanê taxe sey embazêke bî û zaf bi domanan dir girêdayî bî. Embaza Deniz bi domanan dir doman, bi pîlan dir sey embazêke û bi kalan dir zî kal bî. Şahadetê aye tesîrêke pîl serê mi de kerd û ez soz dana ke Şehîd Deniz Firate, qetî xo vîr ra nêkena û her wext çîyê ke mi ra vatê do vîrê mi de bê."