Roj Hozan 

 

DÊRIK - Mayê têkoşerê azadîye vera hêrişê Tirkîya reaksîyon ramojnayî û vatî: "Herra ma rûmetê ma ya. Ma rayîr nêdanê Tîrkîya herra ma îşxal bikera."

 

Cinîyê Dêrikî tehdîd û hêrişê dewleta Tirkan ê serê herêmê Vakur û Rojhelatê Sûrîya şermezar kerdî. Cinîyan va: "Merdişo tewr bi rûmet serrê herra welatî yo."

 

'Ma wazenê azad bicuyê'

 

Maya bi nameyê Xanê Sedûne tehdîdê dewleta Tirkan serê herême şermezar kerdî û va: "Her wext, dewleta Tirkan tehdîdê asayîşê herêmanê ma kena. Ewro ma rewşêke de yê her merdim ra têkoşîn û xoverdayîş yeno waştene. Dewleta Tirk çîyêke serê herra ma de çin a la wazena reyna wazena îqtîdarê xo serê ma de ferz bikera, heta ke merdimêke binê koletîyê dewleta înan de bêheq bimano. Ma Tirkîya serê herra xo de qebûl nêkenê, ma wazenê azad verê gorê domanê xo yê ganê xo seba nê herra dayî bicuyê."

 

'Ganî ma layîqê gonîya domananê xo vejîyî'

 

Maya Ferha Mihemede da zanayîş ke dewleta tirkan wazena keyeyê înan talan bikero û wina va: "Dimayê vindîkerdişê DAIŞî Tirkîya zî sist menda, seba reyke bîn ruhê xo gane bikera, wazena qîmetê xo mîyanê komela mîyanneteweyî de virazna û vaja ez hema zî bi hêz a. Her kes baş zano ke Tirkîya mîyanê dewleta xo de şiknayeya û bi rayîrê tehdîdê serê herêmê vakurê Sûrîye do şiknayîşê xo derman bikera. Ma Tirkîya ra vanê ke xeyalê to do bi ca nêro ma do dayîkî rayîr verê ci bigîrê."

 

'Merdişo tewr bi rûmet serrê herra welat de yo'

 

Maya Wediya Fermane da zanayîş ke şarê Kurd aştîye wazeno û wina va: "Dewleta Tirkî nêheqî û bêwijdanî ma kena û dişminîyê kurdan kena. Eke merdim tarîx ra biewno, kurdan dewleta tirkîya dewlemend kerde. La ewro zî dewleta tirkan qencî xo vîr ra kena. Her çiqas tehdîd û hêrişê Erdoganî xidar bê zî ma fek herra xo ra vera nêdanê. Waştişê ma aştîye yo, merdişê tewr bi rûmet serê herra merdimî yo. Herra ma rûmetê ma ya, ma rayîr nêdanê îşxalkerdoxan."