ENQERE - Koordînatorê Pêroyî yê Komeleya madenî ya yeno plankerdene ke Koyê Kazî bêro viraştene do rayîr ver bi çinbîyayîşanê ke agernayîşê înan çin o, abikero û va serê înternetî de îmzakerdene çareserî nîyo û va ganî ma fedekarî bikerî.

 

Koyê Kaz û serê awbendê Atîkhîsarî ê Çanakkaleyî ke yewin çime awa şimitişî yo, projeyê madenî zerd yeno meşnayene û no zî sere de û pêro nebatan, eynî wextî de xeylê tewirê mîlçikan çin keno.

 

Koordînatora Pêroyî ya Komeleya Xoza Dîcle Tuba Kiliçe, derheqê rijnayîşê ekolojîk ê Koyê Kazî de qisey kerde.

 

'Wareyek taybet o'

 

Dîcleye va Koyê Kazî wayîrê girîngîyêke pîl ê û eynî wextî de herêmê ci yê cîya sey warê Pawitişê Xoza û Parkê Neteweyî ameyo îlankerdene û va: "Herêmeke xeylê girîng o. Seba berzî û şilî û hetê ramitişî de xeylê dewlemend o. Koyê Kazî eynî wextî de cografya nebatî ya Ewropa-Sîbîrya û Akdenîzî de maneno."

 

'Do rayîr ver zirarêke ke agernayîşê çin o, abikero'

 

Dîcleye va cografyake bi heybet a û wina va: "Koyê Kazî çi heyf ke 20 serrê peyîn de rastê tehdîdêke pîl ame. Awbend, projeyê santral, şewat û nika zî maden. No proje madenî yê tewr bi xeterî yo. Do rayîr ver bi zirarêke pîl ê agerayîşê ci çinbo abikero. Koyê Kazî 9 tewir nebatan dinya de zêde nîno vînayene. No war seba tewirê nebat, mîlçik û sewbînî xeylê girîng o. Seba nê çinbîyayîşê wareyî yeno manaya çinbîyayîşê xeylê ganeyan."

 

Dîcleye tewr peyîn qiseykerdişê xo de va seba vernî nê çinbîyayîşî bêro girewtene, tena waştişkerdiş bêro girewtene û wina va: "Xozaya Anatolyî vendena ma. Her darek yena birnayene, her maseyo ke çin beno bi bêvengî vendeno ma. Serê înternetî de îmzakerdene çareserî nîyo. Gerek ma fedekarî bikerî.”