BEDLÎS - Cenazeyê endamê HPGyî Ayşe Başarane û Ecvet Akayî yê ke dewa Cangiza ya qezaya Tetwanî ya Bedlîsî de cuya xo vindî kerdibî, rixmê heme astenkerdişanê dewlete, badê 10 rojan hetê keyeyanê înan ra ameyî girewtene

 

Cenazeyê endamanê HPGyî Ayşe Başaran (Amara Hîwroj), û Ecvet Akay (Xelîl Çîyazan) ke 27ê temmuze de hêrişê hewayîyî yê artêşa tirkî û pêkewtişanê dewa Cangiza ya qezaya Tetwanî ya Bedlîsî de cuya xo vindî kerdî, dimayê 10 rojan hetê keyeyanê ci ra ameyî girewtene. Meyîtê Bahar Acere (Dorşîn Rubare) hema morg de yeno pawetene.

 

Cenazeya Ecvetî goristanê Karşiyaka yê Tetwanî de ameye definkerdene teberê merdimanê Ecvetî de destûr nêdîya kesêk tewrê cenazeye bibo. Cenazeya Ayşeye zî hetê keyeyê ci ra ameye berdene bi Amed.