WAN - Netîceyê qezayê minîbuso ke Qelqelîyî de pê ame de 16 multecî cuya xo vindî kerdî û bi desan multecî zî birîndar bîyî. Cenazeyê 16 multecîyan hetê keye û merdimanê înan ra nêameyî girewtene û goristanê bêkesan de ameyî definkerdene.

 

Qezaya Qelqelî ya Wanî de minîbuso ke multecî tede estbî qeza kerdbî. Netîceyê qezayê minîbusî de 16 multecî cuya xo vindî kerdî û 20 multecî zî birîndar bîyî. Otopsîya cenazeyê 16 multecîyanê ke cuya xo vindî kerdî û wedarîyayî Dezgeyê Tibê Edlî (ATK) yê Wanî qedîya. Cenazeyê ke otopsîya înan ame kerdene seba ke hetê keyeyan ra nêameyî girewtene, hetê Ekîbê Mudirîya Goristanan yê Şaredarîya Bajarê Girdî ya Wanî ra ameyî girewtene.

 

Cenazeyê ke ameyî girewtene do taxa Seyrantepeyî de goristanê bêkesan de bêrî definkerdene.