Gulistan Azak

 

MERSÎN - Cinîyê ke bi serran o qeraxê Mersînî de tezgah akerdê, dîyar kerdî ke şaredarî sozê xo ya ke do înan rê ca tehsîs bikera, nearda ca û eynî wextî de zabiteyan hewl dayo tezgahê înan bigîrê û va: "Ma zabitayan ney, sozê ke ameyo dayîş wazenê."

 

Parkê Ataturkî yê qeraxê Mersînî de cinîyê ke bi serran o tezgah akerdê û berardişê keda destê xo roşenê, dîyar kerdî ke her rayedarê şaredarî ke vuryayê, soz dayê înan ke do înan rê ca dîyar bikerê sozê xo nêardê ca û tezgahê înan hetê zabiteyan ra ameyê girewtene.

 

'Cuya her cinîyêke pirrî têkoşîn o'

 

Hatîce Şahîne dîyar kerde ke 15 serrî verê dest mêrdeyê xo ra vera daya û seba debara xo û domanano xo bikera dest bi rotişê xişir kerda û wina va: "Cuya her cinîyêke tîya bi têkoşîn derbaz bîya. Şaredariya Bajarê Gird ya Mersînî soz da ke do ca seba ma dîyar bikera. La sozê xo nêarde ca. Zabîteyan hewl dayî ke tezgahê ma wedarnê. Rewşa ekonomîya ya Tirkîya meydan da ya, vindî kerda. Ma cinî hewl danê ke bi keda xo debara xo bikerî. Bi serran o ma berardişê keda destê xo roşenê. Ma seba krîzî nêeşkenê kar zî bikerê. Ma reyan roja xo veng derbaz kenê. Şaredarî zî wazena ma vejo. Ma cayêke qîj wazenê. Ma des rey ra zêde waştiş kerd. La sozê ke ameyî dayene ca nêameyî."

 

'Ma nê ware de bî sembol'

 

Leyla Muştuye zî va aye serra 1998 ra heta nika rotişê xişiran kena û wina va: "Ez tîya xebityena. Hewl dana vengê xo bidî eşnawitiş. Komelê serdest wazeno cinîyan çin bihesibno. La na rewşe seba şaredariyan zî derbaz beno. Her selahîyetdarê ke vuryeno yeno soz dano ma. Ma nê wareyî de bîyê sîmge. Ma nêwazenê tîya ra şêrê. La vanê, ‘tîya nêbeno.' Ma va temam. La vatî do cayêke bîn bêro dîyarkerdene. La nika çîyêk çin o. Ma zabiteyan nêwazenê, ma sozê ke ameyê dayene wazenê."