MERKEZÊ XEBERAN - Afrîkaya Başûr seba cinîyan dinya de sey welato tewr tehluke yeno vînayene.

 

Rojnameyê The Citizen a Johannesburgî da zanayene ke goreyê îstatîstîkanê peyênan her roje tewr kêmî 3 cinî şîdetê mêrdeyanê xo vera cuya xo vindî kenî. Na rewşe nîşan dana ke şîdetê zayendî resaya merheleyêka tehluke.

Goreyê rojnameyî şîdetê serê cinîyan û domanan des serranê peyênan de zêdîyayo. Afrîkaya Başûr de peymeyê kiştişê cinîyan goreyê peymeyê nimeyê dinya panc qat zêdîyayo.

 

Goreyê raporê serrane yê South African Board for People Practices (SABPP) her panc cinîyan ra yew yê Afrîkaya Başûrî mexdurê şîdetê fîzîkî yî.