Rengîn Azîzoglu

 

DÊRSÎM - Sereka Koperatîfî Averberdîşê Kulturî ya Pulurî Hatayî Demîre, bale ante serê girîngîyê koperatîfan ê seba berardîşan û wîna va: "Şîrketê pîl, polîtîkayê îhlalkerdene xerckerdoxan mexdûr kenê. Berardîşê ke erjan berardîşan gênê eşkenê zaf vay bîroşê. Babeta tewr sereyîn ê koperatîfan o yo ke sazgehê mîyankar orte ra wirzo û têkilîyêke mabêne berardîşan û xerckerdoxan de awan bîkero."

 

Wextê OHAlî de xeylê kes bi KHKyî ameyî îxrackerdene û sazgeh ameyî padayene. Yê kesê ke ameya îxrackerdene Hatayî Demîre bî. Hatayî 29ê teşrîna verêne 2016an de amî îxrackerdene û dimayê nê ageyra dewe û dest bî hingdarî kerde. Hatayî ke eynî wextî de Sereka Koperatîfê Averberdene Kulturî yê Pulurî ya, eynî wextî de koperatîf de yewîn cînî ya. Hatayî derheqê koperatîfbîyayîş de qisey kerde.

 

Hatayî arde ziwan ke hingdarî seba wareyê xebate ya herî tewir ca de ya û wina va: "Berardişê heta nêzdîbîyayîşê hinge, bi awankerdene empatîyê bi xoza û ganeyen dir her prosesê de na meslege goreyê cinîyan a. Hîngdarî wareyêke berardişê yê merdiman aver beno yo. Cinî seba cinîbîyayîşê xeylê prosesê qerarî de çin yenê hesibnayene. La eke ma nê xerîbbîyayene meydan ra wedarnê ma eşkenê ruhê kolektîfbîyayîşî dest bikerê. Wexto ke no bêrokerdene zî binê koperatîfbîyayîşî de rêxistinbîyayîş zaf girîng o. Koperatîfbîyayîş, rêxistinbîyayîşê torra parekerdene berardiş û xerckerdoxan o. Berpirsyarîyê koperatîfan ê vera cuya komelî, komel û xoza esto. Rêxistinbîyayîşê koperatîfan zî eşkeno nê probleman çareser bikero.”

 

'Ganî koperatîf nuqteya ke komelî rê bifeyde bêrê vindernayene'

 

Hatayî eynî wextî de dîyar kerde ke koperatîf eynî wextî de rêxistinê komelî sîvîl ê û eke problemê bazarî yê berardişan bibê koperatîf çareser kenê, wareyê ke berardiş estbê koperatîf nê rê çareserî vînenê û wina va: "Endamê koperatîfî babeta perwerdeyî de problemê înan bibo hetê meslegê û komelî de ganî vînderê. Koperatîf berpirsîyar ê ke mekanîzmayê kontrolê berardişan kontrol bikerê. Yanî koperatîf hetê çareserkerdişê probleman de berpirsîyar

 

'Ganî torrêke parekerdişî yê berardişî bibo'

 

Hatayî da zanayîş ke herême de texrîbatêke cidî yê ekolojîk esto û hindarî zî nê texrîbatan de merheleyêke pîl de binê tesîr de mendo û va: "Berardiş eynî wextî de ganî torrêke parkerdiş bibo. Ganî hetêke ci yê ruhanî zî bibo. Şîrketê pîl, polîtîkayê îhlalkerdene xerckerdoxan mexdur kenê. Berardişê ke erjan ê eşkenê vay roşê. Babeta tewr sere ê koperatîfan o yo ke sazgehê mîyankar meydan ra wedar yo û têkiliyêke mabêne berardiş û xerckerdoxan de awan bikero."