HELEB - Bi wesîleyê serrgera 5in ê qirkerdişê Şengalî Kongoreya Star û Keyeyê Êzîdiyan Heleb de rayşîyayîşêke bi sloganê "Pawitişê cinîyê şengalî pawitişê bîyayîşê cinîyan o" organîze kerdî.

 

Bi wesîleyê serrgera 5in ê qirkerdişê Şengalî Kongoreya Star û Keyeyê Êzîdiyan rayşîyayîşêk Heleb de viraştî. Rayşîyayîş verê Keyeyê Êzîdiyan dest pêkerd û wareyê şehîd Destîna ameyî vindernayîş. Rayşîyayîş bi beyraqê Kongreya Star û fotografê Rayberê PKKyî Abdullah Ocalanî, pankartê bi nuşteyê "Îşxalkerdiş rê ney", ameyî girewtiş.

 

Dimayê deqeyêke rêzgirewtişî, Endama îdarekara Kongreya Star Şervîn Helebe qisey kerde. Şervîne wina va: "Rojêke sîya û tarî bi. Bi hezaran cinî, doman, camêrd, kal ameyî qetilkerdene û remnayîş. Qirkerdişê Şengalî dimayê anciyayîşê hêzê PDKyî ame kerdene. La şerwanê azadîye Şengal xelisna. Tu kes nêeşkeno tarîxê cinîyan tarî bikero."  

 

Rayşîyayîş bi sloganê "Biciwîyo xoverdayîşê Şengalî, Bimiro îxanet", peynî bi.