AMED - Şaredarîya Rezanî ke HDPyî qezenc kerdib la bi sebebê hevşaredarîya Zeyyat Ceylanî KHK ra amebi eştene şaredarî dayî AKP. Cinîyan dîyar kerdî ke şaredariya Rezanî xizmet nêdana înan û wina vatî: "Pakîyê ke ganî şaredarî bikerdêne ma kenê."

 

Şaredarîya Rezanî weçînayîşê 2019an de sera 70.34 rayê HDPyî girewte. La Heyetê Weçînayîşê yê Berzî (YSK) bi sebebê hemserekê HDPyî Zeyyat Ceylanî bi KHK amebi îxrackerdene, mazbata da partîya diyîn ê AKPyî. Namzedê AKPyî Huseyîn Beyoglu ke mazbata girewt, seba ke xizmet nêkeno rastê reaksîyonê şarî yeno. Cinîyê taxa Muradiye û Fatîh de cuyenê, dîyar kerdî ke çopê taxe nîno komkerdene û coka zî domanê înan seba boye nêweş konê.

 

'Taxe derman nêkenê'

 

Bedriye Yildize da zanayîş ke wexto şaredarî destê Partîya Herêmî ya Demokratîk (DBP) bî bi hewayek pak kuçeyî ameyne pakkerdene û wina va: "Nika pakîye nîna kerdene. Karkerê şaredarî nînê taxe. Ma kuçeyê xo pak kenê. La no qîm nêkeno. Bi taybet mengê hamnanî de çopan ra boye yena û coka domanî nêweş kewenê. Mêsikî kewenê çop û taxe bena pirî mês."

 

'Çop hewye ra yew yenê girewtene'

 

Cinîya bi nameyê Kudret Aydemîre zî da zanayîş ke seba çop boye nêdo her roje verê berê xo şonê û va seba taxe çop ra bipawê serê çopî bi poşetan girê danê. Mesude Gezene zî arde ziwan ke 16 serrî yo taxe de cuyena û wexto ke şaredarî destê DBPî de bî kuçeyî baş ameyne pakkerdene û wina va: "Ma  taxa xo ra hes kenê. La seba ke taxe lêşin bena ma nêeşkenê teber de roşê. Karê ke ganî şaredarî bikerdêne ma kenê. Rezan de tena kuçeyî pîl yenê pakkerdene. La çop hewte ra reyke yenê komkerdene. Seba boye û mêsan domanî nêweş konê. Ma bi endîşeyîn ê'