HATAY - Şêwirmenda Perwerdeyî Nurcan Ordeke dîyar kerde ke betlaneyê hamnanî têkiliyê doman û keyeyan de îmkanêke girîng o û va seba betlane weş derbaz bibo ganî domanî faliyetê komelî, kultur, civakî, sportîf de ca bigîrê.

 

Prosesê betlaneyê hamnanî dewam keno û derheqê ke betlane senîn bêro şîrovekerdene de keyeyî planan kenê. Pispor û şêwirmend zî dayî zanayîş ke betlaneyê ke goreyê emr û taybetiyê domanan ameyo dîyarkerdene, piştdayîşêke pîl danê averşîyayîşê komelî, hisgirî, zîhnî yê domanan.

 

'Nê prosesî de vera teknolojî verê xo bidê xoza'

 

Şêwirmenda perwerdeyê Nurcan Ordeke ard ziwan ke bi taybet wendekarê sinifa 8 û 12in tempoyêke pîl ê îmtîhanan dest bi betlaneyê hamnanî kenê û nê tawsîye kerde: "Eşkenê bi hobî û eleqedarbîyayîşê ke xo nas kenê dir eleqeder bibê. No eleqedarbîyayîş, wendişê kitaban bigirê heta temaşekerdene fîlman, karê kolektîf yê bi keyeyan dir ê. Şima eşkenê planê betlane bi waştiş û hobiyê xo bi keyeyê xo dir bikerê. No proses ganî seba şima kêfweş û bi coş bo. Ganî şima çîyan bimusê. Şima eşkenê karê baxçeyan de bi keyeyan dir.bixebityê. Bi xoza dir eleqedar bibê. Şima eşkenê beşdarê qursê hamnanî bibê. Şima eşkenê planê seba perwerdeyî bikerê. Tewsîyeyê min o tewr pîl o yo ke teknolojî ra dûr bê."

 

'Ganî babeta betlane de qurs bo'

 

Nurcane tewr peyîn qiseykerdişê xo de da zanayîş ke têkilbîyayîşê rast ê mîyanê doman û keyeyan de xeylê girîng o û va ganî no îmkan baş bêro plankerdene û wina va: "Betlane seba domananê xo baş bixebitnê û sey derfet bivînê. Na babeta betlaneyî ders bo, dersê ke domanê şima ci de qels ê, wa aver berê. Ganî plan û bernameyê ke şima bêrê qiseykerdene. Hobiyê xo domanan ferz nêkerê. Teknolojî ra dûr bigîrê. Wextê xo heta şima eşkenê kêfweş derbaz bikerê."