MERKEZÊ XEBERAN - Etiyopya de kampanyaya ramitişê daran ame destpêkerdene û mîyanê rojêke de 353 mîlyon darî ameyî ramitiş.

 

Kampanyaya ramitişê daran ê ke bi însiyatîfê hukmatê Etiyopyayî ame destpêkerdene mîyanê rojêke de resa sewîyeya tewr berz û yeno amanckerdene ke do heta menga teşrîna verêne temamê welat de 4 mîlyar darî bêrê ramitiş. Goreyê îzahatê fermî temamê welat heta nika 353 milyon darî ameyî ramitiş.

 

Sere de karmandê dewlete û şarê herême tewr zêde beşdarê kampanya benê. Bi çarçeweya kampanyaya ramitişê daran ê Etîyopyayî rekorêke zî ame şiknayîş, dinya de rojêke de darê tewr zêde bi 353 mîlyonan Etîyopya de rojêke de ameyê ramitiş.

 

Serra 2016an de Hindistan de 50 mîlyon şitl ameybî ramitiş, tewr peyîn zî temmuza vîyarte Hindistan de 66 mîlyon dar ameybî ronayîş.