Medîne Mamedoglu

 

MÊRDÎN - Demê peyîn de projeyê awbendê binê erdî de yê ame rojeve û yeno îdiakerdene ke do xeylê bajaran de bêro viraştine. Tevgerê Ekolojiyê yê Mezopotamyayî Derya Akyole bale ante serê xetereyê înan û va: "Seba kontrol bi awbendê binê erdî de çin ê, do rayîr ver bi problemê cidî abikero. Bi nê projeyî do serdî rê xizmet bêro kerdene.”

 

Wezîrê Kultur û Daristanî Bekîr Pademîrlî, rojê vîyarte de bernameyêke de dîyar kerde ke do bi planê çalakiyî dir xeylê bajaran bi pêroyî do 100 awbendê binê erdî awan bikero. Înan re yew cayê ke do nê awbendî bêrê viraştene Mêrdîn o.

 

Endama Tevgerê Ekolojî yê Mezopotamyayî Derya Akyole da zanayîş ke do viraştişê awbendî de serê erdî de rayîrêk cîya bêro taqîbkerdene û wina va: "Awbendê binê erdî, vera heriknayîşê awa binê erdî, bi amancê sey perdeyêke bêro awankerdene, mîyanê akîfeyê awe de yeno depokerdene. Akîfê tebîî, pêwa ke zereyê ci de yeno awankerdene, eşkeno akîfê viraştox zî awan bikero û bêro awankerdene. Bi taybet cayê ke gelî teng bena  û akîfê yewo yewo de eşkeno bêro awankerdene û serrê peyîn de derûdorê zinaran de û qeraxan de zî eşkeno bêro awankerdene. No zî seba lazimîyê cayê qerebalix û awdayîşê erdê ramitişî yeno xebitnayene.”

 

'Seba awa serê erdî texrîb bîya muracatê nê kenê'

 

Deryaye da zanayîş ke seba çimeyê awe û cayê Mêrdînî qerar ameyo dayene ke uca de zî awbend bêro viraştene û va: "Mêrdîn de lazimîyê bi akîfê viraştayox çin o. Akîfê tebîî xora uca de estê. Yanî herêmeke hetê jeoteknîk de, ca de yo. Eynî wextî de ramitişê endustriyel zî zêde yeno kerdene. Seba nê sîstem bêro dewamkerdene lazimîyê bi awe esto. Bi serran o çimeyê awe yê rîyê erdî ameyî texrîbkerdene. Coka zî wazenê mudaxaleyî çimeyê awe ya binê erdî bikerê.”

 

'Do bi awbendê binê erdî de zuwabîyayene vejîyo meydan'

 

Deryaye arde ziwan ke awbendê binê erdî de texrîbat bi çiman nîno vînayene, la heriknayîşê herêmê cêr do rayîr ver bi zuwabîyayek sere cidî abikero û bajarê ke do awbend bêrê viraştiş zî do ameyox de problemê cidî vejîyê. Eynî wextî de bi nê projeyî dir serdî rê xizmet yeno kerdene. Yanî awe seba berjewendiyê sermaye û kapîtalîzm yena xebitnayene."