Fîdan Ebdullah

 

ŞEHBA - Dimayê xelisnayîşê Şehbayî, seba çareserîyê problemê cinîyan 4 merkez ameyî akerdene. Îdarekara Keyeyê Cinîyan Rifet El Ehmede, dîyar kerde ke cinî her wext qurbanê zîhniyetê serdest û vat: "La ewro cinî kêm yan zî zêde bi problemanê xo dir eleqedar benê û eşkenê bibê cewabê problemê komelî zî."

 

Dimayê xelisnayîşê herêma Şehbayî çeteyê DAIŞî ra, êdî asayîşê Şehbayî ver bi hizur ra şî. Mîyanê 3 serran de sazgeh û dezgehê herême ameyî awankerdene. Sîstemêke ame awankerdene. Çîyo tewr girîng zî cinîyan sîstem, sazgeh û dezgehan de rolêke sereyîn kay kerdî. Cinî bî rayberê komelî. Şehba de 4 merkezê cinîyan estê û bi piroblem û dewayê cinîyan dir eleqedar benê. Têkilîyê awankerdişê merkezê cinîyan, rol û mîsyonê cinîyan mîyanê awankerdene sîstemî de îdarekara Keyeyê Cinîyan ê qezaya Fafîna Şehbayî de Rifet El Ehmede qisey kerde.  

 

'Cinîyê zana tewr aver berê'

 

Rifete sereyê qalîkerdene xo de qalê amancê akerdene Keyeyê Cinîyan kerde û wina dewam kerde: "Amancê akerdişê sazgehê cinîyan seba temamê cinîyan bingeyêke awan kerdê û cinî bieşkê vera zor û şîdetî têkoşîn bikerê. Wexto ke ma sazgehê xo awan kerd ma bi probleman dir rîbirî mendî. Problemê ma yê sereyîn rêxistinbîyayîş, naskerdişê xebatan û famkerdişê şexsîyetan bi. La dimayêke derbaz bi û ma perwerde dayî destpêkerdene kêm bo zî problem ameyî çareserkerdene. Ma wazenê seba pêro cinîyan azadî bîyarê û cinîyê zanan aver berê."

 

'Perwerdekerdene keyeyan girîng o'

 

Rifete qiseykerdene xo de bale ante serê zewicnayîşê bi zor ê emrê qij de û wina va: "Mîyanê komelî de problemê ke ma tewr zêde rast yenê zewicnayîşê domanan o. Seba ma perwerdekerdene keyeyan girîng o. Wexto ke ma metodê şaş mîyanê komelî de ameyê roniştiş meydan ra wedarnê, do keye û komel azad bibo. Eynî wextî de cinîya ke mîyanê komelî de ameyî kolekerdene, tena cinî bi weçînayîşê têkoşîn eşkenê serê linganê xo de vinderê."